ஷக்தி, ரம்யா நம்பீஷன் நடிக்கும் படம் ‘ஆட்டநாயகன்’. படத்தை இயக்கும் கிருஷ்ணாராம் கூறியதாவது:‘ஆட்ட நாயகன்’ என்ற தலைப்பு ஆக்ஷன் படத் தோற்றத்தை ஏற்படுத்தினாலும் குடும்பத்தைச் சுற்றி நடக்கும் கதை. ஆனாலும் ஆக்ஷன் படத்துக்கான அத்தனை அம்சங்களுடனும் காதல், சென்டிமென்ட் கலந்திருக்கும். ஷக்திக்கு இது திருப்புமுனையான படமாக இருக்கும். அவரின் முழுத் திறமையையும் இதில் கொண்டு வந்திருக்கிறோம்.
ரம்யா நம்பீஷன் அச்சு அசலான தமிழ் நாட்டுப் பெண்ணாக நடித்திருக்கிறார். நீண்ட இடைவேளைக்குப் பிறகு மீரா வாசுதேவன், நாயகியின் அக்காவாக நடித்திருக்கிறார். சுவாரஸ்யம் கருதி வித்தியாசமான பாணியில் திரைக்கதை அமைத்திருக்கிறோம். படத்தை தொழில் நுட்ப ரீதியாகவும், எடிட்டிங்கில் நேர்த்தியாகவும் கொண்டு வருதற்காக அதிக காலம் எடுத்துக் கொண்டதால் சற்று தாமதமாகி விட்டது. அடுத்த மாதம் வெளிவருகிறது.
No comments:
Post a Comment